علوم و تكنولوجيا

أهم التحديثات فى منصات السوشيال ميديا 2020

أهم التحديثات فى منصات السوشيال ميديا 2020 : تويت نيوز

تويت نيوز - twetnews

فيس بوك أخبار زي ماعودناكو  علشان تبقى متابع
أهم التحديثات فى منصات السوشيال ميديا 2020

– آبل أعلنت عن مؤتمرها القادم واللي هيكون في 10 سبتمبر في مقرها الرئيسي في كاليفورنيا، متوقع ان آبل تعلن عن ايفون جديد في المؤتمر، وفي توقعات بتقول ان آبل هتعلن عن 3 ايفونات بأحجام ومواصفات مختلفة، مع تحديثات لنظام التشغيل iOS وكمان سمارت ووتش.

مصدر: http://bit.ly/2UfFKfH

– جوجل أعلنت ان تليفونات Huawei Mate القادمة هتيجي من غير تطبيقات جوجل الرسمية وغير مسموح استخدامها على سلسلة الهواتف دي وعلى رأسهم طبعا جوجل بلاي، يعني مش هتقدر تستخدم اي تطبيق من جوجل او اي تطبيق اندرويد من جوجل بلاي، وده بسبب ان الحظر لسة متفكش بالكامل وان في هدنة حاليا لكن في لسة أزمات شغالة، ده طبعا صدمة كبيرة لهواوي لأن التليفون هيبقى ملوش لزمة من غير التطبيقات دي.

مصدر: https://reut.rs/2Pr6uLt

– جوجل قررت اغلاق خدمة التوظيف Google Hire، الخدمة دي جوجل أعلنت عنها من سنتين وبتعتمد بشكل أساسي على تقديم الموظفين السي فيهات بتاعتهم وأصحاب الاعمال يقدروا يدخلوا يتصفحوا السي في هات ويتواصلوا مع المتقدمين، لكن يبدو ان الخدمة محققتش المطلوب منها فقررت جوجل اغلاقها.

مصدر: http://bit.ly/2MNFpQw

– تليجيرام هي كمان قررت اطلاق عملتها الرقمية واللي اطلقت عليها اسم “جرام” وأعلنت ان هيتم اطلاقها في نهاية شهر اكتوبر القادم، هتكون شبيهة بشكل كبير للبيتكوين وليبرا بتاعة فيس بوك وهيكون ليها محفظة رقمية، وهيقدر يستخدمها كل مستخدمي تيليجرام لتحويل واستقبال الاموال بينهم وبين بعض.

ايه رأيكوا في موضوع انتشار العملات الرقمية ده؟

مصدر: https://nyti.ms/2PzQEhk

– على ذكر العملات الرقمية بقى، فيس بوك بدأت تعلن عن مكافآت لأي حد هيكتشف ثغرات في أنظمة عملة فيس بوك الرقمية “ليبرا” المكافآت هتوصل لـ 10 الاف دولار للثغرة الواحدةـ ومكافآت فورية كمان، وده لتشجيع المطورين والهاكرز انهم يكتشفوا اي ثغرة في انظمة العملة علشان يتم اغلاقها.

مصدر: http://bit.ly/2ZFtutM

– تويتر بدأ يختبر ميزة جدولة التغريدات على موقع تويتر على الديسك توب، وده من ضمن سلسلة التحديثات الكتير اللي تويتر بيعلن عنها الفترة دي، الميزة دي هتكون مميزة جدا لأصحاب الأعمال علشان هيقدروا يجدولوا التغريدات من الموقع مباشرة بدون الحاجة لاستخدام اي تول خارجية، الميزة لسة في مرحلة الاختبار وهيتم الاعلان عنها بشكل رسمي قريب جدا.

مصدر: http://bit.ly/32fqFNS

– في خطوة غريبة من فيس بوك، بدأ يختبر تطبيق جديد تماما هيكون خاصة برسائل انستجرام اسمه Thread! يعني هيكون زي ماسنجر وواتس اب بس هيكون خاص برسائل انسحرام فقط، مش عارفين بالظبط ايه هدف فيس بوك من الموضوع ده بس خلينا نشوف قريب.

مصدر: http://bit.ly/2PoYJpi

– جوجل بقى قررت التخلي عن أسماء الحلويات تماما في أسماء أنظمتها الجديدة من الاندرويد، وده بعد اعلان ان اسم التحديث الجديد من الاندرويد هيبقى 10 بس من غير اي حلويات ولا اي حاجة  جوجل قالت انها خدت الخطوة دي بسبب ان في لخبطة شديدة حاصلة دلوقتي بين المستخدمين لدرجة انهم مش عارفين اسم كل حلوى بترمز لاصدار رقم كام، علشان كده قررت تلغي ده.

مصدر: http://bit.ly/2ZuN8J9