علوم و تكنولوجيا

فيس بوك أعلن عن ميزة الـ Facebook Dating او المواعدة

facebook dating:twetnews

تويت نيوز - twetnews

فيس بوك أعلن انهاردة أخيراً عن ميزة الـ Dating او المواعدة، نركز بقى كدة علشان الموضوع كبير وحلو 

من خلال الـ Facebook Dating فيس بوك هيخليك تتواصل مع الجنس الآخر اللي من نفس اهتماماتك وفي نفس دايرة المعارف بتاعتك وكمان في نفس اللوكيشن بتاعك او قريب منك.

تفاصيل بقى..

فيس بوك هيخليك تعمل Create لبروفايل جديد تماماً غير البروفايل بتاعك، اسمه Dating Profile هتحط فيه كل المعلومات والبيانات والاهتمامات والصور بتاعتك .. كل حاجة عنك تقريباً.

البروفايل ده هيكون منفصل تماماً عن البروفايل الاصلي بتاعك واي حاجة بتحصل جواه سرية وبعيدة تماماً عن اصدقاءك.

فيس بوك هيفضل يقترح عليك ناس شبهك اما بنفس اهتماماتك، او في نفس الدايرة بتاعتك، او ناس قريبة منك او بيعملوا نفس الحاجة اللي انت بتعملها.

لو حد عجبك هتقدر تعمل لايك ع البروفايل بتاعه وهيظهرله ان حد عمله لايك، ولو عملك لايك انت كمان كده في اعجاب متبادل وتقدروا تبدأوا الكلام مع بعض.

خلينا متفقين ان كل ده بيحصل في نطاق منطقة الـ Dating وملهاش علاقة بفيس بوك الاصلي.

ميزة الـ Secret Crush

كل الاقتراحات دي هتكون من ناس برة دايرة اصدقاءك تماماً، الا اذا انت اختارت انه يقترح عليك من اصدقاءك ففيس بوك بيعتبر انك بتكراش ع حد ومش عارف تقوله، او تقولها يعني  سواء كنت ولد او بنت

هتقدر تحط الشخص ده في الـ Secret Crush ومحدش هيعرف تماماً غيرك انت، وياسعدك ياهناك لو نفس الشخص حطك في الـ Secret Crush هو كمان، ساعتها فيس بوك هيبعتلكوا انتوا الاتنين يعرفكوا انكو بتكرشو ع بعض  وتتفضحوا قصاد بعض انتوا الاتنين.

الميزة تم اطلاقها مبدأياً في 19 دولة، وهيتم اطلاقها لاوروبا والشرق الاوسط في اول 2020 ان شاء الله.